“Fluturat e Shqipërisë” është një vepër shkencore e realizuar nga Anila Paparisto, Xhuliana Qirinxhi dhe Etjon Halimi, që përbën një vlerë të çmuar në studimet mbi biodiversitetin e Shqipërisë.

Ky botim nuk është vetëm një përmbledhje taksonomike, por një udhëtim vizual dhe shkencor në botën e fluturave të ditës të Shqipërisë, një mundësi për të kuptuar se si këto specie, me ngiyrat, modelet dhe sjelljet e tyre kanë evoluar për të shkëlqyer përherë në peizazhet natyrore shqiptare.

Monografia është realizuar në kuadër të projekteve PKKZH të financuar nga Ministria e Arsimit dhe AKKSHI.