Për ratifikimin e marrëveshjes ndërmjet Republikës së Shqipërisë dhe Bashkimit Evropian për pjesëmarrjen e Republikës së Shqipërisë në programin e Unionit “Konkurrenca e ndërmarrjeve dhe ndërmarrjeve të vogla dhe të mesme (COSME) 2014-2020”

Ligji nr. 61/2015, miratuar nga Kuvendi i Republikës së Shqipërisë më 11.6.2015, ratifikon marrëveshjen ndërmjet Republikës së Shqipërisë dhe Bashkimit Evropian për pjesëmarrjen e vendit në programin e Unionit “Konkurrenca e ndërmarrjeve dhe ndërmarrjeve të vogla dhe të mesme (COSME) 2014-2020”, program i krijuar me Rregulloren (BE) nr. 1287/2013 të Parlamentit Evropian dhe të Këshillit. Marrëveshja dhe pjesët përbërëse të saj i bashkëlidhen ligjit, përfshirë rregullat që rregullojnë kontributin financiar të Shqipërisë në program.

Dokumenti i bashkëngjitur është numri 111 i Fletores Zyrtare të Republikës së Shqipërisë, i datës 30 qershor 2015, ku ligji botohet në faqen 5908. Ligji hyn në fuqi 15 ditë pas botimit në Fletoren Zyrtare.